有好多野，我唔出聲，唔代表我唔知。

你鍾意可以繼續耍我，鍾意可以繼續做你o的小動作，你開心我都唔介意陪你玩，不過我真係開始覺得有d煩。認識以來我只係一心希望你好、你開心，我從來無同你爭過，我唔鍾意爭o野，我寧願讓開都唔鍾意同人爭，有o的野我唔係唔知，不過我寧願唔出聲，寧願匿埋為大家祈禱。

如果你由頭到尾無當我係朋友，真係求下你唔好扮friend，你有o的咩居心呢﹖我從來都無試過響個blog到發惡，今晚你成功啦﹗恭喜晒﹗咁你依家係唔係好開心﹖

本來我都唔想出聲，我都做慣傻仔，不過今晚真係慶，因為我覺得你無聊到一個我無辦法接受的地步。你覺得咁樣做好有快感嗎﹖我完全無法理解，真係sorry﹗

愛情唔係佔有啊，男人亦都唔係搶返來的，佢係愛你就自然會愛你，唔愛你，即係佢根本都唔o岩你，如果對方都唔知自己想點，俾你勉強搶到返來，都唔會有幸福。Gal，醒下啦﹗

可唔可以唔好再咁辛苦去做咁多小動作呢﹖你傷害緊o既唔係我，係你自己。

事情已經告一段落，你喜歡的話，請你繼續努力。我要講o既講完﹗May God bless you!