我們的最乖男主角

原版 from 蘋果日報

尊子漫畫 from 明報

from 明報

from 新假期

曾特首角逐連任搵左「我會做好呢份工！」做競選口號
如果換轉其他行業或者其他人應該會咁講：
地盤佬：「我會鑽好呢個窿！」
氣功師：「我會發好呢次功！」
八達通公司：「我會整好八達通！」
天文台：「我會測好呢個風！」
整容醫生：「我會隆好呢個胸！」
鐘錶師：「我會整好呢個鐘！」
廚師：「我會爆好呢碟蔥！」
妓女：「我會跑多轉私鐘﹗」
麻將腳：「我會碰好呢隻東！」
xx公司的專業員工：「我會五點九就鬆 … …」
果然係一個好口號！

from 香港討論區

哈哈哈﹗「我會爆好呢碟蔥﹗」笑死我。不過，我覺得成件事本身都係搞下笑，梁仔有可能都是內鬼，同阿當奴一早夾定，試諗下如果只得當奴一個唱獨腳戲，又何來藉口搞下宣傳。正如，只得一個人in份工，佢不停同你講「我會做好呢份工」，我係老闆都會叫佢留返啖氣暖肚啦，所以佢地諗過度過，都係要搵埋阿梁仔出黎搞下氣氛。大灑金錢賣下廣告，搞下宣傳，寫下blog，其實都係為o左想我o地以為自己做左老闆，等我地開心下。我明白，佢地其實都係有苦衷，當奴o既潛台詞極有可能係：「大家都係打份工﹗」正如巴士阿叔話齋：「你有壓力，我有壓力﹗」作為好市民，我o地係唔會挑釁你，唔會challenge你份工做得好唔好，呢一刻最緊要o既係做好場show﹗最緊要我o地玩得開心﹗阿公又安心﹗個「最乖男主角」獎實頒俾你啦﹗